Ætlar að auka öryggiskennd

Hverfisráð miðborgar ætlar að leita leiða til þess að auka öryggiskennd þeirra sem vilja sækja miðborgina heim, hvort sem er í miðri viku eða um helgar. Kannanir sýna að margir landsmenn telji að þeim sé hætta búin af því að vera í miðborginni að kvöldi til. Þetta kemur fram í tilkynningu frá ráðinu.

Ráðið telur að skipulag menningarnætur hafi heppnast mjög vel og vill að lærdómur verði dreginn af löggæslunni þá. Hverfisráð miðborgar er samráðs- og samstarfsvettvangur íbúa, stofnana og fyrirtækja í miðborg Reykjavíkur.