Hreinlega óstöðvandi

Tiger Woods fer mikinn í golfheiminum þessa dagana og vinnur svo gott sem öll mót sem hann mætir á þessa dagana en hann er nýbúinn að vinna opna breska og PGA-meistaramótið.

Hann leiðir eftir tvo hringi á Bridgestone-mótinu sem fram fer í Ohio en hann hefur unnið þetta mót í fjögur skipti en alls hefur hann sjö sinnum tekið þátt í mótinu.

Ekki gekk hringurinn stórslysalaust hjá Tiger því á 18. holu skaut hann upp á þak klúbbhússins og þaðan fór boltinn út á bílastæði. Fletta varð upp í reglunum til að bregðast við þessu furðulega atviki og úr varð að Tiger fékk að að láta boltann falla án refsingar.

Eins og þessi uppákoma hafi ekki verið nógu furðuleg þá kom Paul McGinley beint í kjölfar Tigers og skaut sínum bolta einnig út á bílastæði.