Kynnir áform sín í september

Rannveig Guðmundsdóttir, þingmaður Samfylkingarinnar, ætlar að fjalla um pólitískt framhald sitt á kjördæmisþingi flokksins í Suðvesturkjördæmi um miðjan september.

Aðspurð sagði hún ótímabært að ræða málið nú.

Rannveig er fyrsti þingmaður Samfylkingarinnar í kjördæminu en Þórunn Sveinbjarnardóttir þingkona kynnti í síðustu viku áform sín um að leiða lista flokksins í kjördæminu.

Samfylkingin hlaut fjóra menn kjörna í Suðvesturkjördæmi í síðustu kosningum.