Vonast til að fara til Real

Fjölmiðlar á Spáni segja Jose Antonio Reyes, leikmann Arsenal, enn hafa fullan hug á því að fara til Real Madrid. Spænska stórliðið hefur lengi haft augastað á Spánverjanum sem vonast til að þurfa ekki að spila með liði sínu í forkeppni meistaradeildarinnar gegn Dinamo Zagreb þar sem það myndi hindra hann í að spila í meistaradeildinni sjálfri með Real.

"Augljóslega yrði erfiðara að fara til Real ef ég spila, en ef ég þarf þess þá mun ég geta það. Ég vona þó að til þess komi ekki og að allt verði komið í ljós fyrir leikinn," sagði Reyes sem hefur aldrei leynt áhuga sínum á Real Madrid.