Hlutabréf ekki lægri á árinu

Landsbankinn og Bakkavör birtu í gær uppgjör sín. Bæði félög skiluðu afkomu sem var í efri hluta meðaltalsvæntinga greiningardeilda bankanna.

Úrvalsvísitala Kauphallar Íslands lækkaði í gær um 1,22 prósent og hefur ekki verið lægri á þessu ári. Lækkun frá áramótum nemur nú tæpum fimm prósentum, en síðastliðna tólf mánuði hefur vísitalan hækkað um tæp 23 prósent. Krónan gaf eftir í gær um hálft prósent, en að undanförnu hefur gengi krónunnar verið að styrkjast.