Áhangendurnir eru mikilvægir

Það var erfitt að byrja æfingar að nýju, ekki síst vegna þess að ég er búinn að vera meiddur lengi. Fyrstu leikirnir eru alltaf erfiðir, sérstaklega þegar leikið er gegn góðum liðum eins og því sem við lékum við í dag. Hayles segir að ekki gefist mikill tími til að skoða borgina eða landið. Æft er tvisvar á dag og enginn frítími á milli. Við förum heim strax á morgun og fáum þá frídag.

Hayles hefur verið í tvö ár með Millwall en lék áður með Bristol Rovers, Fulham og Sheffield United. Hann á ættir sínar að rekja til Jamaíka en ólst upp í Lundúnum, aðeins steinsnar frá Ljónagryfjunni. Ég er ekki áhangandi eins og þessir sem eru með liðinu. En ég hef taugar til þeirra á minn hátt. Áhangendurnir hafa ekkert sérstakt orð á sér. En þeir láta vel í sér heyra og það hjálpar liðinu.