Fangi tekinn með fíkniefni í sokk

Rúmlega fertugur fangi á Litla-Hrauni hefur verið ákærður fyrir fíkniefnabrot. Ákæran var þingfest í Héraðsdómi Suðurlands í gær.

Fanganum er gefið að sök að hafa í mars haft í vörslu sinni á Litla-Hrauni tæp 100 grömm af hassi og tæp 15 grömm af amfetamíni. Efnin fundust í svörtum sokk sem hafði legið á hillu í klefa mannsins.

Þegar fangaverðir hugðust gera leit í klefanum stakk maðurinn sokknum í vasa sinn í von um að hann fyndist ekki. Það gekk ekki eftir og hefur maðurinn nú verið ákærður.