Ásgeir og Þorvaldur líklegastir

Ásgeir Elíasson og Þorvaldur Örlygsson eru helst inn í myndinni um þjálfarastöðuna hjá fyrstu deildar liði Fram en þó koma nokkrir aðrir þjálfarar til greina. Þetta sagði Brynjar Jóhannesson, framkvæmdastjóri knattspyrnudeildar Fram, í samtali við Bylgjuna í morgun. Brynjar segir Steinar Guðgeirsson, stjórnarmann knattspyrnudeildar Fram og fyrrverandi leikmann, alls ekki koma til greina sem næsti þjálfari liðsins en sögusagnir þess efnis hafa verið á lofti. Brynjar sagði ennfremur að búið væri að endursemja við alla leikmenn liðsins nema Ingvar Ólason en gengið yrði frá því á næstunni. Helgi Sigurðsson skrifaði á dögunum undir tveggja ára samning en hann kom frá AGF í Danmörku. Helgi verður ekki leigður til efstu deildar félags á næstu leiktíð og spilar því með Safamýrarliðinu á næstu leiktíð.