Eriksson fer huldu höfði

Sven-Göran Eriksson, landsliðsþjálfari Englands í knattspyrnu, hefur aflýst fyrirhugaðri ferð sinni á úrslitaleik Englendinga og Ástrala í kvöld vegna fjölmiðlafársins sem er í kring um hann í kjölfar taps Englendinga fyrir Norður-Írum í vikunni. Eriksson sagði fyrr í vikunni að hann stefndi á að horfa á hluta úrslitanna ef hann mögulega gæti, því hann vildi komast að því hvað það væri sem gerði Englendinga svo veika fyrir íþróttinni. Nú hefur þessum áformum verið stungið niður í skúffu og Eriksson segist ekki geta hugsað sér að mæta á svæðið, því það gæti aðeins orðið til þess að trufla umgjörð leiksins ef hann léti sjá sig.