Giggs ætlar að taka Beckham í gegn

Fyrrum liðsfélagar hjá Manchester United og vinir til margra ára, David Beckham og Ryan Giggs, verða fyrirliðar sinna landsliða er England mætir Wales á þúsaldarvellinum í Cardiff á morgun. Ryan Giggs segir að fyrir tíu árum hefði hvorugum þeirra órað fyrir að sá dagur ætti eftir að koma að þeir mætast á velli sem landsliðsfyrirliðar. "Það er frábært að vera fyrirliði landsliðs míns í svona stórum leik en einnig að mæta félögum mínum úr Manchester United," sagði Giggs en þeir Wayne Rooney og Rio Ferdinand verða báðir í byrjunarliði Englands á morgun. Giggs hefur allan sinn feril verið hjá Manchester United og fær nú fágætt tækifæri að sýna félögum sínum tvo í heimana.