Carragher ver ákvörðun Liverpool

Varnarmaðurinn Jamie Carragher er ekki á því að Liverpool hafi gert mistök þegar liðið náði ekki í fyrrum sóknarmann sinn Michael Owen frá Real Madrid og bendir á að liðið sé búið að eyða alveg nógum peningum í framherja. "Kannski verður klúbburinn gagnrýndur fyrir að næla ekki í Owen, en að mínu mati erum við búnir að eyða alveg nógu miklum peningum í framherja í bili. Ég hinsvegar skil ekkert í Real Madrid að láta svona góðan mann fara. Hann var að skora mjög vel fyrir þá á miðað við leiknar mínútur, en maður á víst ekki að vera að gagnrýna lið eins og Real Madrid. Ég er viss um að Owen á eftir að láta mikið að sér kveða í ensku úrvalsdeildinni," sagði Carragher