Landsliðið hefur fallið um 26 sæti

Íslenska liðið er í 94. sæti á heimslista FIFA sem gefinn var út í morgun. Liðið fellur um tvö sæti á listanum og hefur falið um 26. sæti síðan í ágúst á síðasta ári. Suður Afríkumenn sem mæta Íslendingum í kvöld eru í 38. sæti á listanum. Brasilíumenn eru efstir á listanum og Argentínumenn eru í öðru sæti. En bæði lið koma við sögu í knattspyrnuveilsu á Sýn í dag og í kvöld. Klukkan 15.20 hefst útsending frá leik Ungverjalands og Argentínu , leikur Dana og Englendinga verður sýndur beint frá Kaupmannahöfn klukkan sex og klukkan 22.20 verður sýndur leikur Króata og Brasilíumanna sem háður verður í Split.