Holukeppnin hófst í morgun

Undanúrslitaleikirnir um Íslandsmeistaratitil karla og kvenna í holukeppni í golfi hófust á Hvaleyrarvelli í morgun. Í gær varð að fresta keppni vegna veðurs. Í undanúrslitum í karlaflokki mætast Stefán Már Stefánsson og Pétur Óskar Sigurðsson úr GR og þá eigast við Magnús Lárusson úr GKJ og Óttó Sigurðsson úr GKG. Í undanúrslitum í kvennaflokki mætast Ragnhildur Sigurðardóttir úr GR og Nína Björk Geirsdóttir úr GKJ og Anna Lísa Jóhanssdóttir úr GR og Þórdís Geirsdóttir úr GK. Úrslitaleikirnir um Íslandsmeistaratitilinn hefjast klukkan tvö.