Heiðar Davíð missir forystuna

Gríðarleg spenna er í karlaflokki á Íslandsmótinu í golfi sem fram fer í Leiru en í dag er þriðji hringur leikinn. Ólafur Már Sigurðsson  úr GR er kominn einn í forystu eftir að hafa fengið fugl á 8. holu og samtals á þremur höggum undir pari og tveimur undir pari í dag. Heiðar Davíð Bragason úr GKJ sem var með forystuna fyrr í dag er samtals á 2 höggum undir pari og hefur leikið á einu höggi yfir pari í dag, en hann fékk skolla á 5. og 6. holu. Fylgst er vel með gangi mála í mótinu á vef Víkurfrétta, Kylfingur.is