Spænski boltinn

Fréttamynd

Milito á leið til Barcelona

Forseti Barcelona lýsti því yfir í útvarpsviðtali í morgun að miðvörðurinn Gabriel Milito sé við það að ganga í raðir félagsins frá Real Zaragoza. Milito er 26 ára gamall landsliðsmaður Argentínu og hefur verið einn besti varnarmaður spænsku deildarinnar síðustu ár. Milito var nærri genginn í raðir Real Madrid árið 2003, en stóðst þá ekki læknisskoðun og því varð ekkert úr kaupunum.

Fótbolti
Fréttamynd

Tomasson semur við Villarreal

Danski landsliðsframherjinn Jon Dahl Tomasson hefur nú formlega gengið í raðir Villarreal á Spáni þar sem hann lauk síðustu leiktíð sem lánsmaður frá þýska liðinu Stuttgart. Tomasson skoraði 4 mörk í 11 leikjum með Villarreal á síðustu leiktíð og spilar framvegis undir stjórn landa síns Michael Laudrup. Danskir fjölmiðlar fullyrða að Laudrup sé einnig að reyna að fá til sín landsliðsmanninn Dennis Rommendahl frá Charlton.

Fótbolti
Fréttamynd

Saviola semur við Real Madrid

Bernd Schuster, nýráðinn þjálfari Real Madrid, hefur staðfest að félagið hafi náð samningum við argentínska framherjann Javier Saviola eftir að hann var látinn fara frá Barcelona á dögunum. Schuster segist hafa samið við framherjann í síðasta mánuði og segir hann hafa mikið fram að færa hjá Real Madrid.

Fótbolti
Fréttamynd

Real Madrid kaupir Pepe frá Porto

Real Madrid hefur gengið frá kaupum á portúgalska miðverðinum Pepe frá Porto og er hann annar miðvörðurinn sem félagið fær í sínar raðir á tveimur dögum. Sagt er að kaupverðið á hinum 24 ára gamla leikmanni sé 28 milljónir evra eða 2,3 milljarðar.

Fótbolti
Fréttamynd

Leikmenn fylgi boðorðum Laporta

Joan Laporta, forseti Barcelona á Spáni, hefur sett saman lista með boðorðum sem leikmenn liðsins munu þurfa að fylgja í hvívetna frá og með næsta tímabili, ellegar munu þeir ekki eiga von á góðu.

Fótbolti
Fréttamynd

Laudrup tekinn við Getafe

Spænska knattspyrnufélagið Getafe beið ekki boðanna í dag þegar tilkynnt var að Bernd Schuster yrði næsti þjálfari Real Madrid og tilkynnti um leið að félagið hefði gert tveggja ára samning við dönsku goðsögnina Michael Laudrup um að gerast þjálfari liðsins.

Fótbolti
Fréttamynd

Schuster ráðinn þjálfari Real Madrid

Real Madrid hefur ráðið Þjóðverjann Bernd Schuster sem þjálfara félagsins. Hann þjálfaði áður Getafe og náði góðum árangri með liðið en hann er 48 ára gamall. Ítalski þjálfarinn Fabio Capello var rekinn fyrr í sumar þrátt fyrir að hafa gert liðið að spænskum meisturum í fyrsta sinn í fjögur ár.

Fótbolti
Fréttamynd

Giuly hættur við að fara frá Barcelona

Franski miðjumaðurinn Ludovic Giuly hjá Barcelona hefur tilkynnt að hann ætli ekki fara frá félaginu og ætli að berjast þar fyrir sæti sínu á næstu leiktíð. Giuly hafði ætlað að fara aftur til síns gamla félags Mónakó í Frakklandi en hafði auk þess verið orðaður við mörg lið á Englandi.

Fótbolti
Fréttamynd

Beckham skilaði Real 37 milljörðum

Enski knattspyrnumaðurinn David Beckham skilaði knattspyrnufélaginu Real Madrid tæplega 37 milljörðum króna í tekjur á þeim fjórum árum sem hann spilaði á Spáni segir markaðsfulltrúi félagsins.

Fótbolti
Fréttamynd

Barcelona vill halda Eiði Smára

Arnór Guðjohnsen, faðir og umboðsmaður Eiðs Smára Guðjohnsen, greindi frá því í gær að Barcelona vildi halda landsliðs­fyrirliðanum í sínum röðum. Þrálátur orðrómur hefur verið um að Eiður sé á leið aftur til Englands en hann hefur alltaf sagst vilja vera áfram í herbúðum Barcelona. Þar sem viljinn er beggja vegna eru litlar líkur á því að Eiður Smári fari í sumar.

Fótbolti
Fréttamynd

Launakröfur Chivu of háar fyrir Real Madrid

Ítalska félagið Roma samþykkti í dag 18 milljón evra kauptilboð Real Madrid í rúmenska varnarmanninn Cristian Chivu, en útlit er fyrir að ekkert verði af kaupunum. Launakröfur varnarmannsins voru mjög háar að sögn forseta Real Madrid og því slitnaði upp úr viðræðunum.

Fótbolti
Fréttamynd

Laudrup klár í að taka við af Schuster

Danska knattspyrnugoðsögnin Michael Laudrup hefur tjáð fjölmiðlum í heimalandi sínu að hans bíði þjálfarastaða hjá spænska liðinu Getafe og að hann væri þegar búinn að skrifa undir ef ekki væri fyrir óvissu varðandi framtíð Bernd Schuster.

Fótbolti
Fréttamynd

Hilderbrand ætlar sér stóra hluti hjá Valencia

Þýski landsliðsmarkvörðurinn Timo Hildebrand var kynntur til sögunnar sem nýr markvörður spænska liðsins Valencia í dag. Hann stefnir ótrauður á að velta Santiago Canizares úr sessi sem markvörður númer eitt hjá liðinu eftir að hann kom frá Stuttgart í dag.

Fótbolti
Fréttamynd

Calderon vill Robben eða Malouda

Ramon Calderon, forseti Real Madrid, hefur gefið það út á heimasíðu félagsins að hann sé ákveðinn í að landa annað hvort Arjen Robben frá Chelsea eða Florent Malouda frá Lyon í sumar. Chelsea hefur blásið á fullyrðingar Calderon varðandi Arjen Robben, en félögin eru bæði sögð á eftir Malouda. "Þeir spila sömu stöðu og við munum því aðeins kaupa annan þeirra," sagði Calderon brattur að vanda.

Fótbolti
Fréttamynd

Garcia skrifar undir hjá Atletico

Spænski landsliðsmaðurinn Luis Garcia hefur skrifað undir þriggja ára samning við spænska félagið Atletico Madrid, en hann fer þangað í skiptum fyrir Fernando Torres. Kaupverðið er sagt vera um 4 milljónir punda. Garcia gekk í raðir Liverpool frá Barcelona árið 2004 og skoraði 30 mörk í 121 leik fyrir félagið.

Fótbolti
Fréttamynd

Arnór: Eiður vill sanna sig hjá Barca

Arnór Guðjohnsen, faðir og umboðsmaður Eiðs Smára Guðjohnsen, segir að sonur sinn ætli sér að berjast fyrir sæti sínu í liði fyrrverandi Evrópu- og Spánarmeistaranna í Barcelona. Mikið hefur verið talað um framtíð Eiðs Smára og virðast flestir telja að framtíð hans hjá Barcelona sé ráðin, sérstaklega eftir komu Thierry Henry frá Arsenal.

Fótbolti
Fréttamynd

Reyes áfram hjá Real Madrid?

Real Madrid hefur gefið það í skyn að félagið ætli sé að halda Jose Antonio Reyes hjá liðinu. Búist var við að félagið ætlaði ekki að kaupa leikmanninn þar sem að hann náði ekki að vinna sé inn sæti í byrjunarliðinu, en hann er í láni hjá Madrid frá Arsenal.

Fótbolti
Fréttamynd

Of góður til að sitja á bekknum

Fótbolti Helsti sérfræðingur Sky-sjónvarpsstöðvarinnar í enska boltanum, Andy Gray, vill að Eiður Smári yfirgefi herbúðir Barcelona og komi aftur til Englands. Hann segir ekkert vit vera í því fyrir Eið að hanga áfram á Spáni.

Fótbolti
Fréttamynd

Mónakó í viðræðum við Giuly

Þjálfari franska liðsins Mónakó segist nú vera í viðræðum við vængmanninn Ludovic Giuly hjá Barcelona og á jafnvel von á að landa honum til síns gamla félags á morgun. Giuly hefur verið hjá Barca í þrú ár en hann lék með Mónakó árin 1997-2004. "Ludo er stórt nafn í Mónakó og ég veit að allir vilja fá hann heim aftur," sagði Ricardo þjálfari liðsins.

Fótbolti
Fréttamynd

Getafe: Schuster er ekki að taka við af Capello

Forráðamenn Getafe á Spáni gáfu út yfirlýsingu í dag þar sem félagið neitar því að Bernd Schuster sé eftirmaður Fabio Capello hjá Real Madrid. Capello var rekinn frá Real í dag og því hefur verið haldið fram lengi að Schuster taki við af honum. Hann er hinsvegar samningsbundinn Getafe út næstu leiktíð.

Fótbolti
Fréttamynd

Coleman tekinn við Sociedad

Chris Coleman, fyrrum knattspyrnustjóri Fulham í ensku úrvalsdeildinni var í dag ráðinn þjálfari Real Sociedad í spænsku 2. deildinni. Sociedad féll úr 1. deildinni í fyrsta sinn í sögu félagsins á dögunum og vildi forsetinn að sögn reyna að fá mann með nýjar hugmyndir til að taka við liðinu.

Fótbolti
Fréttamynd

Capello rekinn

Real Madrid rak í dag þjálfarann Fabio Capello frá störfum sem þjálfara þrátt fyrir að hann stýrði liðinu til Spánarmeistaratitilsins í fyrsta skipti í fjögur ár á dögunum. "Þetta var erfið ákvörðun en stjórnin var sammála um að Capello væri ekki rétti maðurinn til að leiða félagið inn í framtíðina," sagði Predrag Mijatovic yfirmaður knattspyrnumála.

Fótbolti
Fréttamynd

Framtíð Capello ræðst í dag

Útvarpsstöð Marca á Spáni greindi frá því í gærkvöld að Fabio Capello yrði ekki þjálfari Real Madrid áfram, en sagt er að framtíð hans ráðist á stjórnarfundi félagsins í dag. Marca segir fundinn aðeins formsatriði til að reka Capello sem á tvö ár eftir af samningi sínum við félagið. Capello landaði meistaratitli í hús á dögunum, en spurningamerki hafa verið sett við leikaðferðir hans sem þykja ekki hæfa sóknarhefð félagsins.

Fótbolti
Fréttamynd

Van Bronckhorst farinn heim

Hollenski leikmaðurinn Giovanni van Bronckhorst var í dag leystur undan samningi sínum við Barcelona og hefur samþykkt að ganga í raðir síns gamla félags Feyenoordí Hollandi. Bronckhorst framlengdi samning sinn við Barcelona í desember en í honum var ákvæði sem leyfði honum að snúa aftur til Feyenoord ef félagið vildi fá hann.

Fótbolti
Fréttamynd

Forlan fer líklega frá Villarreal

Talið er víst að framherjinn Diego Forlan muni fara frá Villarreal í sumar eftir að umboðsmaður hans átti fund með stjórn félagsins til að ræða tilboð sem borist hafa í hann undanfarið. Forlan er nú að spila með Úrúgvæ í Copa America en framtíð hans ræðst eftir keppnina. Sunderland og Arsenal eru talin hafa áhuga á honum, auk liða á Spáni.

Fótbolti
Fréttamynd

Coleman að taka við Sociedad?

Chris Coleman, fyrrum knattspyrnustjóri Fulham í ensku úrvalsdeildinni, er nú sagður vera í viðræðum við forráðamenn Real Sociedad á Spáni um að gerast þjálfari liðsins. Spænska félagið á að hafa sett sig í samband við Coleman eftir að hafa ráðfært sig við fyrrum þjálfara sinn John Toshack. Coleman staðfesti að hann væri í viðræðum við Baskaliðið í samtali við The Sun.

Fótbolti
Fréttamynd

Henry: Meiðslin í fyrra geta hjálpað mér

Thierry Henry gat lítið spilað með Arsenal á síðustu leiktíð vegna meiðsla en hann fullvissar stuðningsmenn Barcelona um að hann sé enginn meiðslakálfur. Hann segir þvert á móti að fjarvera hans á síðustu leiktíð geti hjálpað honum á næsta tímabili.

Fótbolti

Mest lesið