Lög og regla

Í fangelsi í Noregi fyrir nauðgun

Fjörutíu og tveggja ára Íslendingur var í gær dæmdur í héraðsdómi Oslóar í tveggja og hálfs árs fangelsi fyrir að nauðga tveimur samstarfskonum sínum á norskri ferju, sem þau unnu öll á, með viku millibili í janúar í fyrra. Sex mánuðir af dómnum eru skilorðsbundnir. Þá er honum gert að greiða konunum samtals um eina milljón íslenskra króna í skaðabætur.

Innlent 13.10.2005 18:59

Dæmdir fyrir að starfa án leyfa

Þrír Lettar voru í dag í Héraðsdómi Suðurlands dæmdir í eins mánaðar fangelsi sem er skilorðsbundið til tveggja ára fyrir starfa hér á landi án tilskilinna atvinnuleyfa. Þetta kemur fram í tilkynningu frá Sýslumanninum á Selfossi.

Innlent 13.10.2005 18:59

Tveir teknir fyrir ofsaakstur

Tveir menn voru stöðvaði fyrir ofsaakstur á Suðurlandsvegi skammt fyrir austan Selfoss um miðjan dag í gær og reyndist kaupstaðarlykt af öðrum þeirra. Hann hafði mælst á 157 kílómetra hraða og þegar hann var látinn blása í blöðru kom í ljós að hann var ölvaður.

Innlent 13.10.2005 18:59

Fangelsisyfirvöld breyttu ranglega

Umboðsmaður Alþingis segir fangelsisyfirvöld ekki hafa brugðist rétt við þegar þau ákváðu að setja fanga á Litla-Hrauni í 78 klukkustunda einangrun.

Innlent 13.10.2005 18:59

Lögregla fylgist með Lettum

Lögreglan á Selfossi fylgist í dag með ferðum tveggja Letta sem teknir voru til yfirheyrslu í gær þar sem þeir voru í byggingavinnu á Stokkseyri án atvinnuleyfis. Þeir verða hugsanlega ákærðir og dæmdir í dag líkt og sýslumaður gerði við þrjá erlenda verkamenn sem teknir voru án atvinnuleyfa á Suðurlandi fyrir skömmu.

Innlent 13.10.2005 18:59

Lögreglumaður dæmdur

Lögreglumaður hefur verið dæmdur til að greiða 200 þúsund krónur í sekt og ökumanni bifhjóls 195 þúsund krónur í skaðabætur fyrir að hafa stefnt lífi hans í hættu í lok maí á síðasta ári. Dómurinn féll í Héraðsdómi Reykjavíkur í gær.

Innlent 13.10.2005 18:59

Lögreglumaður greiði skaðabætur

Lögreglumaður, sem stöðvaði bifhjól með því að aka í veg fyrir það á Ægissíðu síðastliðið vor, var dæmdur til að greiða ökumanni bifhjólsins skaðabætur í Héraðsdómi Reykjavíkur í morgun.

Innlent 13.10.2005 18:59

Tveggja ára fangelsisdómur

Héraðsdómur Reykjavíkur dæmdi í gær mann til tveggja ára fangelsisvistar fyrir margvísleg afbrot, þar á meðal líkamsmeiðingar, þjófnað, fíkniefnamisferli og umferðarlagabrot.

Innlent 13.10.2005 18:59

Lögreglumaður dæmdur í Héraðsdómi

Lögreglumaður var í dag dæmdur til að greiða hátt í hálfa milljón króna í sektir og skaðabætur fyrir að hafa keyrt í veg fyrir ökumann bifhjóls á Ægisíðu í fyrravor.

Innlent 13.10.2005 18:59

Braut lög um skjaldarmerkið

"Strangt til tekið er þarna um brot á lögum um skjaldarmerkið að ræða og ráðuneytisstjóri hefði að mínu mati átt að taka fram fyrir hendurnar á fólkinu," segir Sigurður Líndal lagaprófessor.

Innlent 13.10.2005 18:58

Milliríkjadeilur í miðborginni

Utanríkisráðuneytið hefur þurft að hafa milligöngu vegna deilna milli borgaryfirvalda og rússneska sendiráðsins vegna 400 fermetra sprengjuhelds húss sem rússneski sendiherrann er að láta reisa í bakgarðinum á sendiráðinu í Garðastræti. Svæðið er rússneskt yfirráðasvæði.

Innlent 13.10.2005 18:58

Átján félög BHM sátt við kjörin

Átján af 24 félögum Bandalags háskólamanna hafa samþykkt nýgerðan kjarasamning við ríkið.

Innlent 13.10.2005 18:58

Vísað frá dómi

"Þessi niðurstaða sannar það og sýnir að lögbannið var tilefnislaust með öllu og þeir sem óskuðu eftir því í upphafi sem og þeir sem settu það á okkur mega skammast sín," segir Sævar Gunnarsson, formaður Sjómannasambands Íslands.

Innlent 13.10.2005 18:58

Með þrjá Pólverja ólöglega í vinnu

Íslendingur, sem var með þrjá Pólverja ólöglega í vinnu, verður ákærður í dag eða á morgun fyrir brot á útlendingalögum. Málið hófst með því að Selfosslögreglan stöðvaði bíl vegna hraðaksturs og var einn Pólverjanna í honum sem leiddi til þess að hinir tveir fundust.

Innlent 13.10.2005 18:58

Vitorðsmenn ekki fundnir

Ekki hefur enn tekist að finna hugsanlega vitorðsmenn bandarískrar konu á sjötugsaldri sem úrskurðuð var í gæsluvarðhald til 1. apríl eftir að tollverðir á Keflavíkurflugvelli fundu um 800 grömm af kókaíni sem falin voru í hárkollu á höfði hennar. Að sögn Ásgeirs Karlssonar hjá fíkniefnadeild lögreglunnar í Reykjavík er málið enn í rannsókn og enginn hér á landi hefur verið handtekinn vegna þess.

Innlent 13.10.2005 18:58

Harður árekstur nærri lögreglustöð

Harður árekstur varð á mótum Laugavegar og Rauðarárstígs um klukkan hálftvö í dag. Þar rákust saman fólksbíll og jepplingur og skemmdust þeir það mikið að draga þurfti báða af slysstað. Annar ökumanna kenndi eymsla að sögn lögreglu og voru bráðaliðar því kallaðir á vettvang. Eins og sést á myndinni varð slysið alveg við lögreglustöðina á Hverfisgötu og því þurfti ekki að kalla lögreglu langt að.

Innlent 13.10.2005 18:58

Eldur í atvinnuhúsnæði í Kópavogi

Gríðarlegur hiti mætti reykköfurum slökkviliðsins þegar þeir héldu inn í atvinnuhúsnæði við Smiðjuveg í Kópavogi um hálffjögurleytið í nótt þar sem eldur logaði innst í húsnæðinu. Þá urðu sprengingar þegar málningarílát og lítill gaskútur sprungu en engan slökkviliðsmann sakaði og tókst þeim að slökkva eldinn þegar þeir komust loks að honum.

Innlent 13.10.2005 18:58

Eldsupptök í Kópavogi enn óljós

Enn er óljóst um eldsupptök þegar mikill eldur kviknaði í iðnaðarhúsnæði við Skemmuveg í Kópavogi í nótt og slökkviliðsmenn þurftu að leggja sig í hættu við að ráða niðurlögum hans.

Innlent 13.10.2005 18:58

Tölvum stolið úr grunnskóla

Þjófur eða þjófar stálu sex nýjum fartölvum úr grunnskólanum á Patreksfirði um páskahelgina og varð þess vart í gær þegar skólastjórinn átti leið í skólann. Þjófarnir brutust inn um glugga og brutu síðan upp skáp þar sem tölvurnar voru í hleðslu og höfðu þær á brott með sér.

Innlent 13.10.2005 18:58

Tjáir sig ekki um flutning fanga

Fangelsismálastofnun vill ekkert gefa upp um ástæður þess að kona á fimmtugsaldri, sem afplánar dóm fyrir manndráp, var flutt á einangrunardeild á Litla-Hrauni.

Innlent 13.10.2005 18:58

Sýslumaður krafinn skýringa

Persónuvernd krefur Sýslumanninn í Reykjavík um skýringar á því hvers vegna möppur, sem geyma nöfn hundraða einstaklinga sem meðal annars stóðu í forræðis- og skilnaðardeilum, fundust á bak við skrifstofur hans í Skógarhlíð. Sýslumaður sjálfur segist ekkert botna í þessu og þjóðþekktir menn, sem nafngreindir eru í gögnum, eru forviða á að skjölin skuli ekki vera betur geymd en raun ber vitni.

Innlent 13.10.2005 18:58

Ofurölvi undir stýri

Áfengismagn í blóði manns, sem tekinn var úr umferð á Akranesi í fyrrinótt, reyndist margfalt yfir því hámarki sem miðað er við þegar menn eru sviptir ökuréttindum vegna ölvunaraksturs og líklega eitthvert það mesta sem mælst hefur. Samkvæmt viðurkenndum áfengismæli var áfengismagn í blóði ökumannsins 3,25 en má ekki fara yfir 0,5 til þess að ökumenn séu sviptir réttindum.

Innlent 13.10.2005 18:58

Gæti farið í fangelsi fyrir ummæli

Bobby Fischer, sem nýsloppinn er úr varðhaldsvist í Japan, gæti átt yfir höfði sér fangelsisvist hér á landi, vegna andgyðinglegs áróðurs. Stjórnarformaður Mannréttindaskrifstofu Íslands telur ummæli hans í garð gyðinga brot á hegningarlögum.

Innlent 13.10.2005 18:58

Nokkrar tilkynningar um innbrot

Lögreglunni í Reykjavík hefur verið tilkynnt um fjögur innbrot í dag. Hún segir að trúlega hafi innbrotin verið framin um helgina þótt tilkynningar um þau berist í dag. Að sögn lögreglunnar var brotist inn í bíla, íbúðarhús og fyrirtæki.

Innlent 13.10.2005 18:58

Grunur um íkveikju í Árbæ

"Ég var að fara niður að þvo en kem þá að þvottinum í ljósum logum," sagði Vigdís Hulda Vignisdóttir, íbúi í fjölbýlishúsi í Rofabæ þar sem eldur varð laus í sameiginlegu þvottahúsi í kjallaranum. </font />

Innlent 13.10.2005 18:58

Líðan manns eftir atvikum góð

Líðan mannsins sem slasaðist alvarlega við Gufuskála í fyrradag er eftir atvikum góð og er maðurinn ekki í lífshættu að sögn vakthafandi læknis. Maðurinn lenti undir svokölluðu átthjóli þegar það valt út af veginum við Gufuskála í nánd við Ólafsvík. Sex voru á hjólinu, hin slösuðust ekki alvarlega.

Innlent 13.10.2005 18:58

Þyrla sótti flogsjúkling

Þyrla Landhelgisgæslunnar kom með slasaðan mann frá Rifi síðdegis í gær á Reykjavíkurflugvöll. Þaðan flutti sjúkrabíll manninn svo áfram á Landspítala - háskólasjúkrahús. Að sögn lögreglu á Ólafsvík fékk maðurinn flogakast við söluskálann á Rifi og datt þá og hlaut áverka á höfði. </font />

Innlent 13.10.2005 18:58

Reyndi að gleypa fíkniefni

Hálfþrítugur maður á Selfossi reyndi í örvæntingu sinni að gleypa fíkniefni sem hann hafði í fórum sínum eftir að hann varð var við lögreglu. En ekki vildi betur til en svo - eða kannski sem betur fer - að efnið sem var um eitt gramm af amfetamíni stóð í honum. Maðurinn var settur í fangageymslu og bíður þess að vera yfirheyrður.

Innlent 13.10.2005 18:58

Gripnir við innbrot í skóla

Tveir sextán og sautján ára piltar voru staðnir að verki við innbrot í verkmenntahús Fjölbrautaskólans á Selfossi í fyrrinótt. Glöggir lögreglumenn urðu varir við opnar dyr á húsinu og þegar inn var komið sáu þeir piltana vinna að því að skrúfa niður skjávarpa. Piltarnir hafa báðir komið við sögu lögreglu áður.

Innlent 13.10.2005 18:58

Ók undarlega á Eyrarbakkavegi

Kona á miðjum aldri var tekin af lögreglu á Eyrarbakkavegi eftir að vegfarendur létu vita af undarlegu ökulagi hennar í gærdag. Grunur leikur á að hún hafi ekið undir áhrifum lyfja en hún var tekin í blóðprufu.

Innlent 13.10.2005 18:58