Erlendar

Fréttamynd

Puerta dæmdur í átta ára bann

Argentíski tennisleikarinn Mariano Puerta hefur verið dæmdur í átta ára keppnisbann eftir að hann féll á lyfjaprófi eftir opna franska meistaramótið á árinu. Í blóði hans fundust ólögleg örvandi efni, en þetta var í annað sinn á tveimur árum sem hann fellur á lyfjaprófi og því var refsingin nú jafn hörð og raun bar vitni. Puerta þarf einnig að skila öllum verðlaunum sem hann hefur unnið til síðan á mótinu.

Sport
Fréttamynd

Dómurinn stendur

Abel Xavier, leikmaður Middlesbrough, þar að una 18 mánaða banninu sem hann var dæmdur í á dögunum eftir að áfrýjun hans var vísað frá í dag. Xavier féll á lyfjaprófi eftir Evrópuleik með liði Boro í haust eftir að í ljós kom að hann hafði notað steralyf.

Sport
Fréttamynd

Orðaður við Liverpool

Franski varnarmaðurinn Jonhathan Zebina hjá Juventus hefur nú verið orðaður við Liverpool, en þessi 27 ára gamli leikmaður lék áður með Roma og Cagliari. Hann hefur átt fast sæti í franska landsliðinu undanfarið, en það er löngu vitað að Rafa Benitez hjá Liverpool er að leitast við að styrkja vörn liðs síns þó það hafi ekki fengið á sig mörg mörk upp á síðkastið.

Sport
Fréttamynd

Vill fara aftur í ensku úrvalsdeildina

Varnarjaxlinn Marcel Desailly segist hafa áhuga á að snúa aftur í ensku úrvalsdeildina og ljúka ferli sínum með litlu liði. Hann hefur undanfarið spilað í Qatar, en talið er víst að Harry Redknapp, stjóri Portsmouth hafi mikinn áhuga á að fá hinn 37 ára gamla varnarmann til liðs við sig til að reyna að bjarga liðinu frá falli.

Sport
Fréttamynd

Sögulegt stórtap hjá Magdeburg

Lærisveinar Alfreðs Gíslasonar hjá Magdeburg voru teknir í kennslustund af Kiel í gærkvöldi þegar liðið tapaði 54-34 fyrir toppliðinu á útivelli, en Kiel er ógnarsterkt í ljónagryfunni heimafyrir. Þetta var hæsta markaskor í leik í sögu deildarinnar. Sigfús Sigurðsson skoraði fimm mörk fyrir Magdeburg í leiknum.

Sport
Fréttamynd

Luque er ekki á förum

Freddy Shepherd, stjórnarformaður Newcastle, hefur þvertekið fyrir þær fregnir að sóknarmaðurinn Albert Luque sé á förum aftur heim til Spánar. Hinn 27 ára gamli framherji var keyptur á 9,5 milljónir punda í sumar, en hefur aðeins spilað örfáa leiki fyrir Newcastle eftir að hann meiddist á læri snemma á leiktíðinni.

Sport
Fréttamynd

Mark Wotte orðaður við stjórastöðuna

Rupert Lowe, stjórnarformaður Southampton, leitar nú að eftirmanni Harry Redknapp til að taka við liðinu og er tiltölulega óþekktur Hollendingur, Mark Wotte hjá Willem II nú orðaður við stöðuna.

Sport
Fréttamynd

Hættið að haga ykkur eins og smákrakkar

Íþróttamálaráðherrann í bresku ríkisstjórninni hefur nú skorist í leikinn í deilu þeirra Jose Mourinho og Arsene Wenger, stjóra Chelsea og Arsenal, en um fátt annað hefur verið ritað í blöðum í Bretlandi undanfarna daga en deilu þeirra tveggja, sem ráðherra kallar réttilega sandkassaleik.

Sport
Fréttamynd

Kasper verður lánaður

Stuart Pearce, stjóri Manchester City í ensku úrvalsdeildinni, segir að Kasper Schmeichel verði að öllum líkindum lánaður frá félaginu í eitt ár þegar markvörðurinn Nicky Weaver kemur úr láni frá Sheffield Wednesday eftir áramótin. Kasper er sonur hins fræga Peter Schmeichel sem gerði garðinn frægan hjá Manchester United á árunum.

Sport
Fréttamynd

Wembley verður klár

Enska knattspyrnusambandið hefur vísað á bug svartsýnum fréttum um að nýji Wembley-leikvangurinn verði ekki tilbúinn á tilsettum tíma fyrir úrslitaleikinn í enska bikarnum í vor, þó framkvæmdin sé komin heilum 75 milljónum punda fram úr kostnaðaráætlun og hafi tafist mikið að undanförnu.

Sport
Fréttamynd

Rooney getur borið England á herðum sér á HM

Miðjumaðurinn Jermaine Jenas hjá Tottenham er viss um að félagi hans í enska landsliðinu, Wayne Rooney hjá Manchester United, hafi alla burði til að slá í gegn á HM í Þýskalandi í sumar og nefnir Rooney sem manninn til að koma Englendingum alla leið.

Sport
Fréttamynd

Zikora orðaður við Arsenal

Miðjumaðurinn Didier Zokora hjá franska liðinu St.Etienne hefur verið orðaður sterklega við Arsenal og er talið líklegt að hann fari til liðsins í sumar. Zokora er 24 ára og hefur einnig verið orðaður við Manchester United og Chelsea, en umboðsmaður hans segir Arsenal hafa sýnt honum mestan áhuga til þessa og á alveg eins von á því að samningar náist í sumar.

Sport
Fréttamynd

Kobe Bryant skoraði 62 stig í þremur leikhlutum

Kobe Bryant fór hamförum með liði LA Lakers í auðveldum 112-90 sigri á Dallas, þar sem hann skoraði 62 stig í aðeins þremur leikhlutum og setti á svið einhverja mestu skotsýningu í sögu deildarinnar. Hann skoraði 30 stig í þriðja leikhlutanum einum, en það er það mesta í einum fjórðung í sögu LA Lakers og Bryant hafði skorað fleiri stig eftir þrjá fjórðunga en allt Dallas-liðið til samans.

Sport
Fréttamynd

Eto´o skoraði tvö í sigri Barcelona

Barcelona er lið ársins 2005 á Spáni og í kvöld festi liðið sig í sessi á toppnum með 2-0 sigri á Celta Vigo, en liðið hefur verið á ótrúlegri siglingu undanfarið. Það var Samuel Eto´o sem skoraði bæði mörk liðsins í kvöld.

Sport
Fréttamynd

United og Wigan áfram

Manchester United og Wigan eru komin áfram í enska deildarbikarnum eftir góða sigra í leikjum sínum í kvöld. United vann auðveldan útisigur á Birmingham 3-1 með tveimur mörkum frá Louis Saha og einu frá Kínverjanum Park. Jiri Jarosik minnkaði muninn fyrir Birmingham. Þá vann Wigan góðan 2-0 sigur á Bolton með tveimur mörkum frá Jason Roberts.

Sport
Fréttamynd

Yao Ming verður frá í nokkrar vikur

Kínverski risinn Yao Ming hjá Houston Rockets verður frá keppni í nokkrar vikur eftir að hafa farið í aðgerð vegna sýkingar í stórutánni á vinstra fæti. Þetta er mikið áfall fyrir Houston, sem hafði þurft að vera án Tracy McGrady í nokkra leiki á dögunum og gekk vægast sagt illa án hans. Ming hafði aðeins misst úr tvo leiki á ferlinum áður en þessi meiðsli komu upp og skorar að meðaltali 20 stig og hirðir 9 fráköst í leik.

Sport
Fréttamynd

Wigan leiðir gegn Bolton

Wigan hefur yfir 2-0 forystu gegn Bolton í hálfleik í enska deildarbikarnum, en markalaust er í sjónvarpsleiknum á Sýn þar sem Manchester United og Birmingham eigast við. Það var Jason Roberts sem skoraði bæði mörk Wigan í leiknum.

Sport
Fréttamynd

Ég marka stóran þátt í sögu Newcastle

Vandræðagemlingurinn Lauren Robert, sem er í láni hjá Portsmouth frá Newcastle, segir að þó hann eigi ekki von á því að snúa aftur til félagsins, hafi hann markað djúp spor í sögu félagsins og eigi sér dygga stuðningsmenn þar.

Sport
Fréttamynd

Tveir leikir í kvöld

Leikur Manchester United og Birmingham í enska deildarbikarnum er nú hafinn, en hann er í beinni útsendingu á sjónvarpsstöðinni Sýn. Þá eigast einnig við Wigan og Charlton, en leikirnir eru liður í fjórðungsúrslitum keppninnar.

Sport
Fréttamynd

Olisadadebe til reynslu hjá Portsmouth

Portsmouth hefur fengið pólska landsliðsframherjann Emmanuel Olisadebe til reynslu frá Pananthinaikos í Grikklandi, en hann lendir á Englandi á morgun. Harry Redknapp er að leitast við að styrkja sóknina hjá Portsmouth eftir að framherji hans Vincent Pericard meiddist um helgina og vonast til að Olisadebe geti fyllt skarð hans.

Sport
Fréttamynd

Reynir að gera góð kaup í janúar

Rafa Benitez, stjóri Liverpool, er talinn muni hafa úr þónokkrum fjármunum að spila í janúar þegar opnar fyrir félagaskiptagluggann á ný. Benitez segir þó ekki gefið að góðir leikmenn verði á lausu.

Sport
Fréttamynd

Hlakkar til að mæta Liverpool um jólin

Sóknarmaðurinn öflugi Michael Owen hjá Newcastle, segist hlakka mikið til að spila við fyrrum félaga sína í Liverpool um jólin, en tekur það fram að hann sjái alls ekki eftir því að hafa gengið í raðir Newcastle frá Real Madrid á Spáni.

Sport
Fréttamynd

Ég er ekki grófur leikmaður

Miðjumaðurinn Michael Essien vill eikki meina að hann sé grófur leikmaður, en mikið hefur verið rætt um vasklega framgöngu hans á knattspyrnuvellinum undanfarið og vilja margir meina að hann sé ruddi.

Sport
Fréttamynd

Ég átti engan þátt í ákvörðun Alonso

Flavio Briatore, stjóri Renault-liðsins í Formúlu 1, vísar því á bug að hann hafi átt þátt í því að heimsmeistarinn Fernando Alonso hafi ákveðið að semja við McLaren árið 2007. Briatore er einnig umboðsmaður Alonso, en það var Briatore sem tók Alonso undir sinn verndarvæng hjá liðinu á sínum tíma og gaf honum tækifæri, sem á endanum varð til þess að Alonso varð heimsmeistari aðeins 24 ára gamall.

Sport
Fréttamynd

Poom verður áfram hjá Arsenal

Markvörðurinn Mart Poom hefur framlengt lánssamning sinn við Arsenal út leiktíðina, en hann kom til félagsins sem lánsmaður í þrjá mánuði í sumar. Poom er 33ja ára gamall og er þriðji markvörður liðsins á eftir þeim Jens Lehmann og Manuel Almunia.

Sport
Fréttamynd

Davis skrifar undir í dag

Miðjumaðurinn Steven Davis hjá Aston Villa skrifar í dag undir nýjan samning við félagið sem gildir til ársins 2009. Davis er aðeins 21 árs gamall og þykir mikið efni, en forráðamenn félagsins geta nú andað léttar, því drengurinn hefur verið nokkuð eftirsóttur á síðustu mánuðum.

Sport
Fréttamynd

Við ætlum að fá Henry

Forseti Barcelona, Joan Laporta, er ekki að skafa af því þegar kemur að áhuga hans á franska landsliðsmanninum Thierry Henry hjá Arsenal og í gærkvöldi gaf hann það út við breska blaðið The Sun að spænska félagið ætlaði að tjalda öllu til að fá hann til sín fljótlega.

Sport
Fréttamynd

Carlos hló að meiðslum mínum

Miðjumaðurinn Valdo hjá Osasuna í spænsku úrvalsdeildinni í knattspyrnu og fyrrum leikmaður Real Madrid, var ekki sáttur við fyrrum félaga sinn Roberto Carlos eftir leik liðanna um helgina. Carlos meiddi Valdo illa og hló svo að honum þegar hann þurfti að fara meiddur af velli.

Sport
Fréttamynd

Fær eins leiks bann fyrir fasistakveðjuna

Hinn skrautlegi Paolo di Canio hjá Lazio í ítölsku A-deildinni fær eins leiks bann og 10000 evru sekt fyrir fasistakveðjur sínar í leik með liðinu fyrr í mánuðinum. Þetta tilkynnti aganefnd ítölsku deildarinnar í gær.

Sport
Fréttamynd

Wigan kaupir miðvörð frá Brann

Enska úrvalsdeildarliðið Wigan hefur gengið frá kaupum á austurríska landsliðsmanninum Paul Scharner frá Brann í Noregi. Scharner er 25 ára gamall og hefur spilað 11 landsleiki fyrir Austurríki, þar á meðal leikinn gegn Englendingum í undankeppni HM á dögunum. Birmingham var einnig á höttunum eftir Scharner, en Wigan bauð einfaldlega hærra, samkvæmt heimasíðu Brann.

Sport

Mest lesið