„Getum ekki mætt í neinn leik og leyft okkur að slaka á“

„Sigur er allaf sigur auðvitað“ sagði Brittany Dinkins eftir sigur Njarðvíkur í kvöld en hún endaði stigahæst í liði Njarðvíkur með 19 stig.

„Við getum gert betur. Keflavík mættu okkur vel í kvöld og fullt hrós á þær fyrir að mæta með baráttu og við áttum okkur alveg á því að þær settu tóninn fyrir hvernig tímabilið mun verða en það er alltaf góð tilfinning að ganga í burtu með sigur“

Það er alltaf mikil stemning og fjör þegar þessi lið mætast og á því varð enginn breyting í kvöld.

„Þær börðust vel og gerðu þetta að alvöru leik. Ég er mjög ánægð að tímabilið sé að byrja og fólkið okkar mætti og studdi okkur. Þetta er það sem þú færð þegar Njarðvík og Keflavík mætast“

„Þetta verður alltaf barátta og þetta verða aldrei auðveldir leikir. Það mun ekkert lið mæta hingað og gefa okkur einhvern slaka. Í kvöld var þetta mjög skemmtilegt en þetta mun verða erfitt“

Nýtt tímabil hefst strax á þriðjudaginn og Brittany Dinkins segir að Njarðvíkurliðið verði að mæta einbeittar til leiks.

„Fyrir tímabilið í ár þurfum við að mæta beitt og vera tilbúnar í alla leiki. Við getum ekki mætt í neinn leik og leyft okkur að slaka neitt á og halda að við getum komist í gegnum gegnum þetta með hálfum hug“

„Við þurfum að mæta alla daga, öll kvöld og mæta tilbúnar til að spila körfubolta. Þannig sé ég þetta tímabil spilast og ég er mjög spennt fyrir því og fyrir öllum hinum liðunum sem eru að mæta sterkari til leiks“

Njarðvík eru búnar að vinna fyrsta titilinn af þrem sem eru í boði á tímabilinu.

„Það eru alltaf markmið og við viljum vera keppa um alla titla“ sagði Brittany Dinkins.