Heimir rýfur þögnina og þakkar fyrir stuðninginn

Heimir sat fyrir svörum á blaðamannafundi í morgun en Írland hefur leik í Þjóðadeildinni á útivelli gegn Kósovó á morgun. 

Seinna í keppninni mætir Írland landsliði Ísrael í tveimur leikjum sem óánæja ríkir með að fari fram heima á Írlandi. 

Sjálfur hefur Heimir þurft að standa í miklum stormi eftir ummæli sem hann lét falla á blaðamannafundi í síðustu viku og féllu illa í kramið hjá Ísraelum sem kölluðu heimi „fáfróðan, hræsnara og heimskan.“

Landsliðsþjálfarinn hefur þó einnig fundið fyrir stuðningi líkt og lærisveinar hans í írska landsliðinu. Meðal annars frá forsætisráðherra Írlands. 

„Við erum þakklátir fyrir stuðninginn sem við finnum fyrir,“ sagði Heimir á blaðamannafundi í morgun. „Það sem ég sagði á síðasta blaðamannafundi hefur svolítið stolið fyrirsögnunum síðan þá. Það hefur kannski tekið athyglina frá því sem að skiptir mestu máli. Við erum að fara spila mikilvægan leik á móti Kósovó. Þetta var ekki tilgangurinn hjá mér og kannski ekki snjallt af mér að draga athyglina að mér á þennan hátt.“