Golf

Óliver heldur á­fram að slá í gegn

Stefán Árni Pálsson skrifar
Óliver Elí vann Opna breska áhugamannamót pilta um síðustu helgi. 
Óliver Elí vann Opna breska áhugamannamót pilta um síðustu helgi.  MYND/GSÍ

Eftir sigurinn magnaða á Opna breska áhugamannamótinu í golfi pilta, besta árangur íslensks kylfings í flokki 18 ára og yngri, var Óliver Elí Björnsson mættur á Jacques Léglise Trophy sem fram fer á Írlandi í dag og á morgun.

Óliver er í úrvalsliði Evrópu, skipuðu kylfingum 18 ára og yngri, sem mætir úrvalsliði Bretlands og Írlands. Um árlegt mót er að ræða sem er eitt það stærsta í unglingagolfinu í Evrópu.

Fyrir hádegi lék Óliver í fjórmenningi ásamt Mathias Aase og fóru þeir með sigur af hólmi í þeim leik 3-1.

Síðar um daginn lék hann einn gegn kylfingnum Isaac Oliver og hafði hann þar betur 4-3. Evrópuúrvalið leiðir samanlagt mótið 8-4 fyrir lokadaginn á morgun.

Golf

Mest lesið


Fleiri fréttir

Sjá meira


×

Mest lesið