Endaði út af eftir fram­úr­akstur

Enginn er talinn slasaður en lögregla biðlar til ökumanna um að aka varlega í umferðinni, sérstaklega þegar kemur að framúrakstri. Ekki eigi að taka fram úr nema öruggt sé og þegar alvöru þörf er á. 

Þetta kemur fram í dagbók lögreglunnar á höfuðborgarsvæðinu.

Lögreglunni barst einnig tilkynning um vasaþjófnað við Hallgrímskirkju. Meintir þjófar fundust ekki. Lögregla biður fólk um að hafa augun opin á helstu ferðamannastöðum borgarinnar. 

Álíka mál hafa komið upp á vinsælum ferðamannastöðum úti á landi.

Nokkur útköll bárust vegna slagsmála í miðbæ Reykjavíkur og sinnti lögreglan einnig hávaðakvörtunum, þá helst samkvæmishávaða.