„Vorum bara litlar í okkur og vorum bara hérna að grenja“

Hvað skildi liðin að í dag?

„Það var hugarfar norðankvenna í fyrri hálfleik. Þær bara jörðuðu okkur megnið af fyrri hálfleik, við vorum bara litlar í okkur og vorum bara hérna að grenja. Þetta var svona hlutur sem við vorum búnar að ræða í gær, þær vissu að við vorum þreyttar, þær myndu keyra á okkur. Þegar maður er þreyttur þá er maður aðeins vitlaus og látum það samt ekki fara inn í hausinn á okkur en þær komust nú hressilega inn í hausinn á okkur í fyrri hálfleik. Síðan ræddum við vel saman í hálfleik og byrjum seinni hálfleikinn og fáum fínasta færi en svo mark í andlitið sem gerir þetta erfitt.“

„Svo bara varð þetta týpískur leikur; þær svona halda fengnum hlut og við að reyna sækja jöfnunarmark og við spiluðum bara kjánalegan sóknarleik, vorum alltaf neglandi boltanum beint á hafsentana þeirra. Eins og ég sagði við Örnu Sif (Ásgrímsdóttur) áðan að það er rosalega gáfulegt að þruma honum alltaf þar sem leikmaður númer 11 hjá Þór/KA er, hún hefur tekið nokkra skallaboltana um ævina. Þetta var betra þegar við settum hann út í víddina og fengum fyrirgjafir en bara sanngjarn sigur Þór/KA í dag held ég, bara óska þeim til hamingju.“

Jón Ólafur talar um að hafa vitað að Þór/KA myndi keyra á ÍBV liðið þar sem þær væru þreyttar en úti á við litu leikmenn ekki út fyrir að hafa ekki verið undirbúnir fyrir þetta.

„Við vorum bara ekki tilbúnar í þetta. Þær voru bara mikið grimmari en við og þær hittu hér á sinn dag en við ekki og þegar maður er ekki á sínum degi og maður fær lið með svona gott hugarfar á móti manni þá bara verður maður undir, sá dagur var okkar dagur í dag.“

ÍBV minnkaði muninn í 2-1 eftir tæpan klukkutíma en það var ekki fyrr en undir lok leiks sem alvöru leit að jöfnunarmarki hófst.

„Við vorum búin að gefa fyrirskipun miklu fyrr um að gera þetta en eins og ég segi þegar maður er þreyttur fyrir og orðin dauðþreyttur í leiknum þá svona kannski bregst maður ekki alltaf rétt við og þetta var bara erfiður leikur fyrir okkur í dag og eins og ég segi þegar maður er þreyttur er erfitt að taka góðar ákvarðanir. Uppstaðið eins og ég sagði áðan, þetta er bara sanngjarn sigur Þór/KA og bara til hamingju með það.“

Jón Ólafur segir leikmannamál vera klár og einn erlendur leikmaður bætist við.

„Það er allt klárt í raun. Ágústa María [Valtýsdóttir] er komin á láni frá Val og svo er Jessica Hinton, erlendur leikmaður sem ég held að fái leikheimild á morgun held ég þannig það er sú viðbót sem við verðum með það sem eftir er af mótinu.“