Bryn­dís frá Dan­mörku til Öl­gerðarinnar

Í tilkynningu kemur fram að Bryndís muni sem vörumerkjastjóri Pepsi leiða vinnu við vörumerki Pepsi á Íslandi, þar á meðal Pepsi Max, Pepsi Upprunalega bragðið og 7UP.

„Ég er einstaklega spennt fyrir því að taka við þessu hlutverki hjá Ölgerðinni. Að fá tækifæri til að vinna með jafn sterk vörumerki og Pepsi Max og 7UP er bæði spennandi og krefjandi. Mér líst sérstaklega vel á þann metnað, frumkvöðlaanda og hraða sem einkennir Ölgerðina og hlakka til að verða hluti af því öfluga teymi sem hér starfar,“ segir Bryndís Thelma í tilkynningu.

Þar kemur einnig fram að hún hafi síðustu níu ár verið við nám og störf í Kaupmannahöfn og er með B.Sc. gráðu frá Copenhagen Business School í International Sales and Marketing Management. Síðustu fjögur ár hefur hún starfað hjá CO/PLUS Strategic Business Consultancy.

„Við erum afar ánægð að fá Bryndísi til liðs við okkur. Hún kemur með fjölbreytta reynslu, ferska sýn og mikinn metnað sem ég er sannfærð um að muni nýtast okkur vel. Pepsi-vörumerkin eru meðal sterkustu vörumerkja landsins og það verður spennandi að sjá Bryndísi taka þátt í áframhaldandi þróun þeirra,“ segir Elísabet Austmann, markaðsstjóri óáfengra drykkja hjá Ölgerðinni, í tilkynningunni.