Kjörin for­maður SÍA

Í tilkynningu segir að hún taki við af Önnu Kristínu Kristjánsdóttur, stjórnarformanni Hvíta hússins, sem gegnt hafi formennsku undanfarin ár. Selma hafi gegnt ýmsum trúnaðarstörfum á vettvangi auglýsinga- og markaðsmála og setið í stjórn SÍA undanfarin ár.

„Það er mikill heiður að fá að leiða SÍA á næsta starfsári. Auglýsinga- og markaðsgeirinn er að breytast hratt með tilkomu gervigreindar, breyttra neysluvenja og meiri krafna um árangur, en á sama tíma hefur það mannlega aldrei verið mikilvægara. Það eru þessir ólíku pólar sem við í auglýsingabransanum erum að kljást við á hverjum degi. Ég hlakka mikið til að vinna áfram með stjórninni og stofunum að veg og vanda greinarinnar í heild sinni,“ er haft eftir Selmu.

Samband íslenskra auglýsingastofa eru hagsmunasamtök auglýsingastofa á Íslandi. Aðild að SÍA eiga Brandenburg, ENNEMM, Hér & nú, Hvíta húsið, Kontor, PEEL og Pipar\TBWA. SÍA er samstarfsfélag Félags atvinnurekenda og fullgildur aðili að EACA, Evrópusamtökum samskiptastofa.

Auk Selmu sitja í stjórn SÍA Anna Kristín Kristjánsdóttir frá Hvíta húsinu, Hrafn Gunnarsson frá Brandenburg, Guðjón Ólafsson frá Hér & nú og Jóhannes Karl Sigursteinsson frá ENNEMM. Alex Jónsson frá Kontor er varamaður stjórnar.