Stefna á að hýða eineltisseggi í Singapúr

Refsinguna á þó aðeins að nota í alvarlegustu tilfellunum og til þrautavara en allir nemendur eldri en níu ára gamlir gætu nú átt slíka refsingu yfir höfði sér. Þá er tekið fram að hýðinguna megi aðeins ákveðnir kennarar framkvæma, sem hafi fengið tillkylda þjálfun en bambus prik skala nota til verksins.

Einelti í skólum í Singapúr hefur verið mikið til umræðu síðustu misserin eftir að nokkur alvarleg atvik komu upp í landinu. Í kjölfarið var ráðist í að móta áætlun um hvernig bregðast skuli við og er hýðing ein þeirra lausna sem lagðar eru til.

Í Singapúr er bannað að hýða konur en refsingin er enn nokkuð mikið notuð á karlmenn sem fremja glæpi í landinu. Í þeim tilfellum þar sem stúlkur verða uppvísar að athæfinu á að bregðast við með hefðbundnari aðferðum eins og að víkja þeim úr skóla tímabundið.