Segir að leikara­skapur Embiids sé að eyði­leggja körfuboltann

Boston komst í 3-1 í einvíginu gegn Sixers en tapaði síðustu þremur leikjunum og þátttöku liðsins í úrslitakeppninni er því lokið.

Embiid fór mikinn í oddaleiknum í Boston; skoraði 34 stig, tók tólf fráköst og gaf sex stoðsendingar. Í ræðu sinni á Twitch einblíndi Brown þó á leikaraskap Embiids.

„Joel Embiid er frábær leikmaður, einn af bestu stóru mönnunum í körfuboltasögunni. En hann er með leikaraskap og veit það. Þetta eru ekki nýjar fréttir en svona er þetta. Svona leikaraskapur er að skemma leikinn okkar,“ sagði Brown.

Hann skoraði 33 stig og tók níu fráköst í oddaleiknum gegn Sixers en það dugði skammt. Jayson Tatum lék ekki með Boston vegna meiðsla og þrír af fimm í byrjunarliðinu skoruðu ekki í oddaleiknum.

Boston valdi Brown með þriðja valrétti í nýliðavalinu 2016. Hann varð meistari með liðinu 2024 og var þá valinn besti leikmaður úrslitaeinvígisins.