Tví­burar héldu sínum liðum á lífi

Houston Rockets voru 3-0 undir gegn Los Angeles Lakers en unnu annan leikinn í röð í nótt, 99-93, og hafa minnkað muninn í einvíginu niður í 3-2.

Deildarmeistarar austursins, Detroit Pistons, voru 3-1 undir gegn Orlando Magic en náðu að minnka muninn niður í 3-2 með 116-109 sigri í nótt.

Í báðum sigurliðum var tvíburi að nafni Thompson sem átti sannkallaðan stórleik. Þeir voru góðir sóknarlega en alveg sérstaklega öflugir í vörninni.

Amen Thompson skilaði 15 stigum á töfluna fyrir Houston Rockets og stal boltanum líka fjórum sinnum af leikmönnum Lakers. Hann skoraði mikilvæg vítaskot undir lok leiks og svo gott sem tryggði sigurinn.

Ausar Thompson tók 15 fráköst fyrir Detroit Pistons og stal boltanum fimm sinnum ásamt því að verja tvö skot frá leikmönnum Magic. Hann var besti varnarmaður vallarins og átti stóran þátt í sigrinum.

Paolo Banchero (Magic) og Cade Cunningham (Pistons) voru þó vafalaust bestir í sókninni, báðir með 45 stig fyrir sín lið. 

Magic mun fá annað tækifæri til að slá deildarmeistara Detroit Pistons úr leik á morgun, með sigri þar myndu Pistons knýja fram oddaleik.