Læknirinn yfir­gefur höllina

Það er þó smá eftirspurn eftir kröftum Rivers hjá félaginu og verið að ræða hvort hann verði í ráðgjafarhlutverki næsta vetur.

Rivers vann 97 leiki og tapaði 103 sem þjálfari Bucks. Fyrstu tvö árin féll liðið út í fyrstu umferð úrslitakeppninnar en komst ekki í úrslitakeppnina í ár.

Meiðsli hafa leikið Bucks grátt síðustu ár en samband Rivers og leikmanna liðsins er sagt hafa súrnað ansi mikið í vetur.

Rivers var útefndur í heiðurshöll NBA-deildarinnar í ár. Hann leiddi Boston Celtics til meistaratitils árið 2008 og er sjötti sigursælasti þjálfari sögunnar í deildarkeppninni. Hann er í fjórða sæti yfir sigra í úrslitakeppninni.