„Stór­slysa­laust“ á Ísa­firði í nótt

Gylfi Þór Gíslason varðstjóri á Ísafirði segir herlegheitin hafa gengið stórslysalaust fyrir sig. Gífurlegur fjöldi utanbæjarmanna er á Ísafirði þessa páskana. Tónlistarhátíðin Aldrei fór ég suður var vel sótt þetta árið.

Tveir sofa af sér í fangaklefa að hans sögn og báðir fyrir minniháttar líkamsárásir. Gylfi segir að þess megi vænta að einhver kítingur verði þegar svo mikið af ungu fólki sópast í bæinn.

Minna verði um að vera í kvöld enda er hátíðinni lokið og sömuleiðis eru hríðarbylir í vændum á morgun.