Körfubolti

Tryggvi öflugur í ó­trú­lega mikil­vægum sigri Bilbao

Aron Guðmundsson skrifar
Tryggvi Snær Hlinason hefur nú fagnað fjórum sigrum í röð með Bilbao og gengið vel eftir landsleikina um síðustu mánaðamót.
Tryggvi Snær Hlinason hefur nú fagnað fjórum sigrum í röð með Bilbao og gengið vel eftir landsleikina um síðustu mánaðamót. vísir/Hulda Margrét

Íslenski landsliðsmaðurinn í körfubolta, Tryggvi Snær Hlinason, skilaði góðu framlagi á öllum sviðum leiksins í ótrúlega mikilvægum sigri Bilbao á Unicaja í spænsku úrvalsdeildinni í körfubolta í kvöld. Lokatölur 90-74, sextán stiga sigur Bilbao.

Tryggvi skoraði sjö stig í leik kvöldsins og tók niður sex fráköst. Þá stal hann einum bolta og varði tvo á þeim 25 mínútum sem hann spilaði í í kvöld. 

Jafnræði var með liðunum til að byrja með í kvöld en eftir því sem leið á annan leikhluta tók Bilbao föstum tökum á leiknum og hélt forystunni allt þar til yfir lauk. 

Sigurinn gífurlega mikilvægur því þar með saxar Bilbao á Unicaja í áttunda sæti deildarinnar sem er jafnframt síðasta sætið sem veitir þátttökurétt í úrslitakeppni spænsku úrvalsdeildarinnar.  

Spænski körfuboltinn

Mest lesið


Fleiri fréttir

Sjá meira


×

Mest lesið