„Til­valið tæki­færi“ að fá Lindu Líf inn í landsliðshópinn

Leikmannahópur Íslands fyrir leiki gegn Úkraínu og Englandi í undankeppni HM var tilkynntur í dag.

Linda Líf var þar á meðal leikmanna og landsliðsþjálfarinn Þorsteinn Halldórsson sagði á fundinum að hann hefði fylgst lengi með henni. Hún væri spennandi leikmaður sem myndi koma inn í landsliðið í hlutverki framherja.

„Linda Líf er áhugaverður leikmaður. Hún hefur verið svolítinn tíma í meiðslabasli, fengið höfuðhögg og annað. Maður hefur fylgst með henni í nokkuð mörg ár og það er í fyrsta skipti núna sem hún er að ná góðri samfellu í sinn leik. Mér fannst þetta bara tilvalið tækifæri til að skoða hana,“ sagði Þorsteinn á blaðamannafundinum.

„Mér finnst búið að vera stígandi í hennar leik síðustu tvö ár. Ég er bjartsýnn á að hún muni koma með jákvæða strauma inn í hópinn hjá okkur og verði upp á sitt besta,“ bætti Þorsteinn við í viðtali eftir fundinn.

Nánar verður fjallað um landsliðsverkefnið og leikmannahópinn í Sportpakka Sýnar í kvöld.