Magnaður sigur Elísu og brautarmet á Ítalíu

Elísa sló meðal annars við hinni svissnesku Judith Wyder, annarri heimsklassa hlaupakonu sem til að mynda vann 50 kílómetra hlaupið í Chianti í fyrra og varð í 2. sæti í OCC-hlaupinu í Mont Blanc.

Elísa hljóp á 6 klukkutímum, 22 mínútum og 31 sekúndu í dag og endaði rúmum níu mínútum á undan Wyder. Til marks um afrek Elísu þá er Wyder í 8. sæti á heimslista, samkvæmt ITRA, en Elísa í 34. sætinu fyrir þetta hlaup.

Hin hollenska Hannah Derksen varð svo í þriðja sætinu í dag, á 6:46:11.

Á morgun keppir Andrea Kolbeinsdóttir svo á sama stað, í 50 kílómetra hlaupinu.