Viðskipti innlent

Fjórar Kappahl-verslanir til við­bótar opnaðar á morgun

Hólmfríður Gísladóttir skrifar
Kappahl framleiðir fatnað fyrir konur, karla og börn og Newbie er fyrir þau allra minnstu.
Kappahl framleiðir fatnað fyrir konur, karla og börn og Newbie er fyrir þau allra minnstu.

Fjórar Kappahl-verslanir verða opnaðar klukkan 12 á morgun; á Glerártorgi á Akureyri, á Akranesi og Selfossi og í Krossmóa á Suðurnesjum. Stefnt er að því að opna samtals átta Kappahl-verslanir á næstu misserum og að minnsta kosti eina Newbie-verslun.

„Við erum rétt að byrja. Það eru spennandi tímar framundan og við hlökkum mikið til að halda áfram að byggja upp Kappahl og Newbie sem sterk og traust vörumerki á Íslandi,“ er haft eftir Albert Þór Magnússyni en hann og eiginkona hans Lóa Dagbjört Kristjánsdóttir eru umboðsaðilar Kappahl, Newbie, Mango og Gina Tricot á Íslandi.

Að sögn Alberts hafa þúsundir lagt leið sína í Kappahl-verslunina sem opnuð var í Smáralind fyrir viku en á sama tíma var opnaður vefurinn kappahl.is.

„Við erum gríðarlega þakklát fyrir þær móttökur sem Kappahl hefur fengið. Það er ljóst að okkar íslensku viðskiptavinir kunna vel að meta samsetninguna af skandinavískri hönnun, góðum gæðum og hagkvæmu verði,“ segir Lóa Dagbjört.

Fjöldi fólks lagði leið sína í verslunina í Smáralind síðustu helgi.
Verslun Tíska og hönnun Akureyri Reykjanesbær Árborg Akranes


Mest lesið


Fleiri fréttir

Sjá meira


×

Mest lesið