Körfubolti

Tryggvi og fé­lagar í undan­úr­slit FIBA Europe-bikarsins

Óskar Ófeigur Jónsson skrifar
Tryggvi Snær Hlinason skilaði tíu stigum á tólf mínútum í kvöld.
Tryggvi Snær Hlinason skilaði tíu stigum á tólf mínútum í kvöld. Getty/Massimo Ceretti

Tryggvi Snær Hlinason og félagar hans í spænska körfuboltaliðinu Surne Bilbao Basket tryggðu sér í kvöld sæti í undanúrslitum FIBA Europe-bikarsins en Evrópuævintýri Baskanna heldur því áfram.

Bilbao vann þá sannfærandi 25 stiga sigur í seinni leik sínum á móti Petkim Spor frá Tyrklandi, 85-60. Bilbao var á heimavelli í kvöld og hafði unnið útileikinn með átta stigum, 77-69.

Bilbao vann því samanlagt, 162-129

Tryggvi skilaði tíu stigum á tólf mínútum í leiknum en hann hitti úr öllum fimm skotum sínum og var einnig með þrjú fráköst.

Bilbao mætir annaðhvort Falco Szombathely frá Ungverjalandi eða Bosna BH Telecom frá Bosníu í undanúrslitunum.

Bilbao vann þessa keppni í fyrra og hefur því titil að verja.

Spænski körfuboltinn

Mest lesið


Fleiri fréttir

Sjá meira


×

Mest lesið