Dag­skráin: Liver­pool vill hefna, For­múlan af stað og mikil spenna í Bónus-deildinni

Sýn Sport Viaplay

Eftir að hafa tapað 2-1 gegn Úlfunum á þriðjudagskvöld geta Liverpool-menn náð fram hefndum í kvöld þegar liðin mætast í ensku bikarkeppninni, klukkan 20.

Klukkan 1:30 í nótt er svo þriðja æfing í Formúlu 1 í Ástralíu áður en tímatakan sjálf hefst svo klukkan 4:45, svo fólk getur valið hvort það vakir lengi eða vaknar snemma. Fyrsti kappakstur tímabilsins er svo aðfaranótt sunnudags, klukkan 3:30.

Sýn Sport Ísland

Ballið byrjar aftur í Bónus-deild karla í körfubolta, eftir hléið vegna landsleikja, og nú eru aðeins fjórar umferðir eftir fram að sjálfri úrslitakeppninni.

Fjórir leikir eru í kvöld og hægt að fylgjast með þeim öllum í einu á Skiptiborðinu, klukkan 19:10. Leikirnir verða svo gerðir upp í Tilþrifunum um klukkan 21:10.

Sýn Sport Ísland 2-5

Hægt er að fylgjast með hverjum leik fyrir sig á hliðarrásum, í Bónus-deildinni. Álftanes og Keflavík mætast í afar áhugaverðum slag og þá verða öll neðstu lið deildarinnar í eldlínunni, í harðri baráttu um að forðast fall og jafnvel komast í úrslitakeppnina. Ármann tekur á móti Njarðvík og ÍR mætir ÍA, og svo taka Íslandsmeistarar Stjörnunnar á móti Þór Þorlákshöfn.

Allar upplýsingar um beinar útsendingar Sýnar má finna hér.