Handbolti

Landsleikirnir við Svía ekki í Laugar­dals­höll

Valur Páll Eiríksson skrifar
Gísli Þorgeir og félagar í landsliðinu mæta Svíum fyrst á Hlíðarenda og svo á hans gamla heimavelli í Kaplakrika.
Gísli Þorgeir og félagar í landsliðinu mæta Svíum fyrst á Hlíðarenda og svo á hans gamla heimavelli í Kaplakrika. Vísir/Vilhelm

HSÍ hefur greint frá því að komandi æfingaleikir karlalandsliðsins í handbolta við Svíþjóð fari fram á Hlíðarenda annars vegar og í Kaplakrika hins vegar. Það er því endanlega staðfest að þeir fari ekki fram í Laugardalshöll.

Stórsýningin Verk og vit fer fram í sjöunda sinn dgaana 19.-22. mars í Laugardalshöll. Þar má sjá allt það nýjasta í byggingariðnaði, mannvirkjagerð og skipulagsmálum.

Sú sýning hefur legið fyrir um hríð og var því nokkuð ljóst að leikirnir myndi ekki fara fram í Þjóðarhöllinni og það er nú endanlega staðfest.

Þess í stað fara leikirnir fram í sitthvorri höllinni. Fyrri leikurinn við Svíþjóð fer fram á Hlíðarenda þann 19. mars klukkan 19:30 og sá síðari í Kaplakrika þann 21. mars klukkan 17:00.

Ísland mætti Svíþjóð á EM í janúar þar sem vannst frækinn átta marka sigur í Malmö.

Miðasala á leikina tvo er hafin og má nálgast hér á Stubbur.is.

Landslið karla í handbolta HSÍ Ný þjóðarhöll

Mest lesið


Fleiri fréttir

Sjá meira


×

Mest lesið