Innlent

Illugi kjörinn for­maður Ungra vinstri grænna

Agnar Már Másson skrifar
Ragnhildur Björt Björnsdóttir, Illugi Gunnarsson og Böðvar Stefánsson. Á mynd vantar Björn Gústav Jónsson.
Ragnhildur Björt Björnsdóttir, Illugi Gunnarsson og Böðvar Stefánsson. Á mynd vantar Björn Gústav Jónsson. Aðsend

MR-ingurinn Illugi Gunnarsson var í dag kjörinn nýr formaður Ungra vinstri grænna. Hann er sonur Katrínar Jakobsdóttur, fyrrverandi flokksformanns og forsætisráðherra.

Greint er frá kjörinu í tilkynningu sem ungliðahreyfingin sendi frá sér í kvöld en Illugi var kjörinn í stjórn ásamt Ragnhildi Björt Björnsdóttur, Böðvari Stefánssyni og Birni Gústav Jónssyni. 

Í tilkynningunni segir að stjórnin sé spennt fyrir komandi sveitarstjórnarkosningum og kosningabaráttu.

Hinn 18 ára formaður er á þriðja ári í Menntaskólanum í Reykjavík. Hann er auk þess stjórnarmaður í Vinstri grænum í Reykjavík og hefur síðasta árið verið óbreyttur stjórnarmaður í UVG. 

Vinstri græn

Mest lesið


Fleiri fréttir

Sjá meira


×

Mest lesið