Sex gull af sex mögu­legum: Sögu­legur sigur Klæbo á Vetrarólympíu­leikunum

Norðmenn voru í algjörum sérflokki í skíðagöngu dagsins með þá Klæbo, Emil Iversen og Marin Nyenget í fararbroddi og enduðu þeir á því að sópa upp verðlaunum dagsins í fimmtíu kílómetra göngunni. 

Svo fór að Klæbo fór með sigur af hólmi í greinni og sigldi þar með heim sjöttu gullverðlaunum sínum á Vetrarólympíuleikunum í jafnmörgum greinum. Fullkomnir Vetrarólympíuleikar hjá Klæbo sem ritar þar með nafn sitt í sögubækurnar. 

Með sigrinum í dag sló Klæbo met Eric Heiden yfir flest gullverðlaun á einum og sömu Vetrarólympíuleikunum. 

Klæbo varð á dögunum aðeins annar Ólympíufarinn, ásamt bandaríska sundkappanum Michael Phelps, til að vinna að minnsta kosti tíu gullverðlaun á Ólympíuleikum. Þau eru nú orðin tólf talsins, gullverðlaunin hjá Klæbo á Vetrarólympíuleikunum.

Dagur Benediktsson var á meðal þáttakenda í fimmtíu kílómetra göngunni í dag. Dagur gekk tæplega 39 kílómetra en var hringaður af fremstu mönnum um það leiti í brautinni og því kippt úr braut. Svo fór að Dagur  endaði í 48.sæti