Fast skotið í Extraleikunum: Nablinn treysti á tæknina og kálfana

„Það er komið að fótboltanum, þetta er vinsælasta íþrótt heims. Þetta er einfalt núna, hvor þeirra sparkar fastar í fótbolta,“ sagði Stefán Árni Pálsson.

„Andri, þú ert náttúrulega góður í fótbolta,“ sagði Stefán við Nablann.

„Já, ég er með sterka kálfa. Þannig að ég hef engar áhyggjur af því að ég sé ekki að fara sparka fastar en Tommi. Ég er þekktur fyrir að hamra honum í vinkilinn en núna setur maður bara á spjaldið,“ sagði Andri Már.

„Tómas, þú ert náttúrulega algjör aumingi í fótbolta,“ sagði Stefán í léttum tón við Tómas.

„Ég er með KSÍ-feril eitthvað annað en nafnleynd og ég hef spilað meistaraflokksleiki. Ég þurfti að leggja skóna á hilluna tvítugur út af hnémeiðslum, þannig að hnéð getur brugðist mér,“ sagði Tómas.

Tómas reyndi bara eitt skot. „Ég veit ekki hvort það er gott eða vont fyrr en Nablinn er búinn. Eitt veit ég er að hnéð, það brást mér,“ sagði Tómas.

Nablinn kom hins vegar, sá og sigraði. „Tæknin og kálfarnir skiluðu þessu,“ sagði Andri.

Það má sjá alla keppnina hér fyrir neðan sem og viðbrögð þeirra félaga við úrslitunum.