Fótbolti

Sjáðu Karó­línu Leu tryggja Inter sigur með háklassa af­greiðslu

Óskar Ófeigur Jónsson skrifar
Karólína Lea Vilhjálmsdóttir fagnar sigurmarki sínu með liðsfélaga.
Karólína Lea Vilhjálmsdóttir fagnar sigurmarki sínu með liðsfélaga. Internazionale Milano

Íslenska landsliðskonan Karólína Lea Vilhjálmsdóttir var hetja ítalska stórliðsins Internazionale Milano í Seríu A um helgina.

Karólína Lea skoraði sigurmarkið í 3-2 útisigri á Parma en markið hennar kom á síðustu stundu eða á þriðju mínútu í uppbótartíma.

Parma komst í 1-0 en hafði síðan jafnað metin í 2-2 á 85. mínútu.

Karólína fékk þá boltann frá þýsku landsliðskonunni Lina Magull, lagði hann fyrir sig í teignum og afgreiddi hann glæsilega í hornið, óverjandi fyrir markvörð Parma.

Háklassa afgreiðslu og Karólína fagnaði markinu gríðarlega ásamt félögum sínum í Inter-liðinu.

Þetta var annað deildarmark Karólínu á leiktíðinni í ellefu leikjum en hún skoraði einnig í sigri á Juventus í janúar. Karólína hefur einnig gefið þrjár stoðsendingar.

Sigurinn styrkti stöðu INter í öðru sætinu og setti pressu á topplið Roma.

Internazionale hefur unnið ellefu leiki í röð í öllum keppnum og er líklegt til að berjast af alvöru um ítalska meistaratitilinn í vor.

Hér fyrir neðan má sjá sigurmarkið hennar Karólínu Lea og fögnuðinn á eftir. Myndbandið er aðgengilegt með því að fletta yfir á næstu mynd.




Fleiri fréttir

Sjá meira


×