Stál­heppnir gegn C-deildarliðinu

Leikurinn fór fram fyrir húsfylli á Pirelli-vellinum í bílaborginni Burton og var á löngum köflum ekki að sjá að annað liðanna væri í C-deild en hitt spilandi á meðal þeirra bestu á Englandi.

Eftir tíðindalítinn og markalausar 90 mínútur þurfti að framlengja leikinn.

Hollenski kantmaðurinn Crysencio Summerville hefur vaðið á súðum að undanförnu og hélt uppteknum hætti er hann kom West Ham loks í forystu á fimmtu mínútu framlengingar.

Skömmu síðar fékk liðsfélagi hans, Frank Potts, að líta beint rautt spjald fyrir ljótt brot. West Ham því manni færri það sem eftir lifði og Burton-menn sóttu fast að þeim.

Ekki tókst að jafna leikinn, þrátt fyrir ítrekaðar tilraunir og ítrekuð færi Burton í framlengingu.

Hamrarnir sluppu með skrekkinn. Þeir skríða áfram í 16-liða úrslit og koma sér þannig í hóp með Chelsea og Wrexham sem tryggðu sín sæti í gærkvöld.