Bein út­sending: Um­hverfis­dagur at­vinnulífsins

Í tilkynningu segir að kastljósinu verði beint að gagnsæi, trúverðugleika og samkeppnishæfni í loftslags- og umhverfismálum. Í kraftmikilli dagskrá leiðii áhrifafólk í atvinnulífi, stjórnmálum og stjórnsýslu saman hesta sína, en dagurinn er sameiginlegt verkefni SA, SI, SVÞ, SAF, SFS, SFF og Samorku.

Hægt verður að fylgjast með fundinum í beinu streymi.

Dagurinn er byggður upp af tveimur lotum. Fyrri lotan tekur á gagnsæi sem forsendu trúverðugleika.

• Erindi: Anna Hrefna Ingimundardóttir, aðstoðarframkvæmdastjóri SA.
• Pallborð: Daði Már Kristófersson, fjármála- og efnahagsráðherra, Halldór Þorgeirsson, formaður Loftslagsráðs, Sigurður Hannesson, framkvæmdastjóri Samtaka iðnaðarins. Lovísa Árnadóttir, upplýsingafulltrúi Samorku stjórnar pallborði.
• Innslög frá fyrirtækjum: Eiríkur Þór Eiríksson, framkvæmdastjóri Landfara og Gunnþór Ingvason, framkvæmdastjóri Síldarvinnslunnar

Síðari lotan fjallar um samkeppnishæfni Íslands í ljósi umhverfisstefnu ESB.

• Erindi: Ágústa Ýr Þorbergsdóttir, meðeigandi KREAB.
• Pallborð: Jóhann Páll Jóhannsson, umhverfis-, orku- og loftslagsráðherra, Finnur Sveinsson, viðskipta- og deildarstjóri sjálfbærni hjá HS-orku, Vigdís Diljá Óskardóttir, stjórnandi samskipta- og samfélagsmála hjá Alcoa Fjarðaáli, Vilhelm Már Þorsteinsson, forstjóri Eimskipafélags Íslands. Lovísa Árnadóttir, upplýsingafulltrúi Samorku stjórnar pallborði.
• Innslög frá fyrirtækjum: Bogi Nils Bogason, forstjóri Icelandair, Jóhanna Hlín Auðunsdóttir, forstöðumaður loftslags- og sjálfbærni hjá Landsvirkjun, Lilja Björk Einarsdóttir, bankastjóri Landsbankans

Umhverfisverðlaun atvinnulífsins 2025

Jóhann Páll Jóhannsson, umhverfis-, orku- og loftslagsráðherra veitir hin árlegu Umhverfisverðlaun atvinnulífsins sem verða nú veitt í tíunda sinn fyrir:

• Umhverfisfyrirtæki ársins 2025
• Umhverfisframtak ársins 2025

Auk þess sem veittar verða viðurkenningar til fyrirtækja sem hafa unnið frábært starf á sviði umhverfismála.

Sigríður Margrét Oddsdóttir setur daginn og flytur lokaorð.