Reisa minnst 2.600 fer­metra á Völlunum á tólf mánuðum

Í fréttatilkynningu þess efnis segir að verkefnið marki áframhaldandi uppbyggingu á Völlunum, einu hraðast vaxandi atvinnusvæði landsins. Verkland ehf. muni sjá um framkvæmd verkefnisins fyrir Eik, þar sem lögð verði áhersla á vandaða hönnun, greiða aðkomu og gott skipulag.

„Þetta samstarfsverkefni gerir Eik fasteignafélagi kleift að sækja fram á einu öflugasta atvinnu- og athafnasvæði landsins með öflugum og reynslumiklum aðilum. Verkefnið er liður í því að auka fjölbreytni eignasafns félagsins og taka virkan þátt í vexti íslensks atvinnulífs,“ er haft eftir Hreiðari Má Hermannssyni, forstjóra Eikar.

„Við erum stolt af því að leggja okkar af mörkum til að efla atvinnuuppbyggingu í Hafnarfirði, sem er orðið eitt mikilvægasta iðnaðar- og þjónustusvæði höfuðborgarsvæðisins,“ Óskari Hafnfjörð Auðunssyni, frá Hamravöllum atvinnuhúsum.

Þá segir að uppbyggingin muni styrkja atvinnulíf í Hafnarfirði enn frekar og stuðla að fjölgun starfa á svæðinu. Vellirnir eru í hraðri þróun, vel staðsettir og með greiðu aðgengi að Reykjanesbraut. 

„Það er afar ánægjulegt að sjá áframhaldandi vöxt og fjárfestingu á Völlunum. Uppbygging sem þessi skapar ný tækifæri fyrir fyrirtæki og stuðlar að fjölgun starfa í Hafnarfirði. Þetta verkefni endurspeglar þá miklu eftirspurn sem er eftir vönduðu atvinnuhúsnæði og öflugum rekstri á svæðinu,“ Valdimar Víðissyni, bæjarstjóra Hafnarfjarðar.

Loks segir að Arma Advisory, Logos og Venture Legal hafi veitt aðilum ráðgjöf í viðskiptunum.