Mbappé mætti og kláraði Getafe

Kylian Mbappé meiddist í landsliðsverkefni og missti af leik gegn Íslandi var mættur aftur í byrjunarlið Real Madrid sem sótti Getafe heim í 7. umferð spænsku úrvalsdeildarinnar. Hann skoraði eina mark leiksins í kvöld.

Madrídingar höfðu algjöra yfirburði í kvöld en tókst ekki að brjóta varnarmúr heimamanna á bak aftur fyrr en á 80. mínútu þegar varamaðurinn Arda Guler lagði upp mark yfir téðan Mbappe.

Heimamenn voru þá orðnir manni færri eftir að Allan Nyom fékk beint rautt þremur mínútum fyrr og á 84. mínútu fékk Alex Sancris sitt annað gula spjald svo að heimamenn kláruðu leikinn níu gegn ellefu.

Með sigrinum fer Real Madrid aftur á topp deildarinnar, tveimur stigum á undan erkifjendunum í Barcelona.