Sekúndu­brot á milli Tomma og Nablans í fyrstu grein Ólympíu­leika Extra

Þeir Tómas Steindórsson og Andri Már Eggertsson, betur þekktur sem Nablinn, ætla að keppa í hinum ýmsu íþróttum í þættinum í vetur. Fyrsta greinin var spretthlaup.

„Það er komið að sextíu metra spretthlaupi. Tómas Steindórsson gegn Andra Má Eggertssyni. Andri, ert þú ekki svona sigurstranglegri,“ spurði Stefán Árni Pálsson en keppnin fór fram í frjálsíþróttahöll FH-inga.

„Jú, ég myndi nú halda það og eiginlega bara rúmlega það. Ef ég hringa hann ekki þá er ég svekktur,“ sagði Andri fyrir hlaupið.

Ég er svona eins og dísilvél

„Þetta er eina keppnin hérna sem hann á mögulega einhvern séns í. Ég er hræddur um að sextíu metrarnir séu aðeins of stuttir fyrir mig til þess að ná fullum hraða. Ég er svona eins og dísilvél. Ég er hægur í gang,“ sagði Tómas.

Stefán Árni Pálsson fékk Silju Úlfarsdóttur til að spá fyrir um hlaupið.

„Það sem ég held að þið haldið er að Andri verði bara fyrstur frá byrjun. Ég ætla að veðja á Tomma fyrstu tuttugu metrana en svo er örugglega bensínið búið,“ sagði Silja.

Það var samt Tómas sem náði að vinna með hörku endaspretti. „Andri. Hvað klikkaði,“ spurði Stefán Árni.

Er þetta löglegt?

„Hann tekur náttúrlega færri skref og hann tók stærri skref,“ sagði Andri svekktur.

„Tómas, þetta þú bara settir allt í þetta. Þetta verkefni,“ sagði Stefán. „Gjörsamlega allt í þessu. Báðir nárarnir eru farnir núna. Svo að ég hrundi í markið. En þá var ég orðinn stífur,“ sagði Tómas.

„En er það löglegt að fara inn í markið svo að gerði,“ spurði Andri.

„Já, þetta var alveg löglegt,“ sagði Stefán. „Þú veist ekkert um það,“ sagði Andri frekar tapsár.

Hér fyrir ofan má sjá keppnina hjá þeim.