„Þetta er klár­lega staðurinn sem að Kefla­vík á alltaf að vera á“

„Mark, gult og það vantaði bara rauða spjaldið“ sagði Frans Elvarsson fyrirliði Keflavíkur sem var jafnframt að leika sinn 500. mótsleik á vegum KSÍ í dag og gat því ekki fagnað því með betri hætti. 

Keflavík verður í Bestu deild karla 2026 eftir frábæran sigur í dag. 

„Það er frábært. Þetta er klárlega staðurinn sem að Keflavík á alltaf að vera á og við hlökkum til næsta tímabils“

Keflavík tapaði þessum leik í fyrra en fara upp núna í ár. Keflavík hefur því verið báðum megin við borðið.

„Það er miklu verra að vera á hinum endanum. Tapið er miklu verra heldur en sigurinn er góður. Þetta er ótrúlega sætt og við erum bara ótrulega glaðir“

Í sumar gekk HK mjög vel með Keflavík og unnu báða leikina gegn þeim í deildinni en Frans sagði þrátt fyrir það hefði frammistaðan alltaf verið góð gegn þeim.

„Já það mætti alveg segja það. Frammistaðan í báðum leikjunum á móti HK í sumar var góð þó svo að úrslitin hefðu verið slæm þá áttum við góða frammistöðu á móti þeim og við gerðum það líka í dag“

Keflavík fóru með afgerandi 3-0 forystu inn í hálfleikinn í dag sem var að einhveju leyti róandi staða fyrir Keflavík.

„Það er bæði gott og vont. Við ákváðum bara að við vorum ekki saddir. Við ætluðum að keyra áfram á þetta“ sagði Frans Elvarsson áður en hann var svo sóttur upp á svið til þess að taka við bikarnum fyrir sigurinn í dag.