Auður leiðir nýja sam­steypu á ís­lenskum markaði

Í tilkynningu frá þessu nýja félagi segir að það muni starfa á ýmsum sviðum, líkt og á matvörumarkaði, í bílaþjónustu og í lyfsölu. Samtals verði þjónustustöðvar Dranga 161 um allt land.

Tekjur félaganna sem nú eru sameinuð voru 75 milljarðar á síðasta ári.

Auður Daníelsdóttir, hefur verið ráðinn forstjóri Dranga, en hún hefur leitt Orkuna undanfarin ár.

Umrædd vörumerki eru: Samkaup, Orkan, Lyfjaval, Nettó, Prís, 10-11, Heimkaup, Krambúðin, Kjörbúðin, og Iceland.

Auður Daníelsdóttir, hefur verið ráðinn forstjóri Dranga, en hún hefur leitt Orkuna undanfarin ár.

Í tilkynningunni segir að Drangar muni stefna að „einföldum, ódýrum og skilvirkum rekstri á öllum sínum starfseiningum“. Áhersla verði lögð á „skýra ásýnd vörumerkja og gott úrval á vöru og þjónustu þar sem viðskiptavinurinn verður í fyrsta sæti“.

Þá kemur fram að stefnt sé að skráningu Dranga á skipulegan markað í Kauphöll á Íslandi fyrir árslok 2027.