Þing­fundi slitið eftir í­trekaðar frestanir og snörp orða­skipti

Dagurinn í gær var viðburðaríkur en Þórunn Sveinbjarnardóttir, forseti Alþingis, beitti þá 71. grein þingskapalaganna í fyrsta skipti í áratugi. Með samþykki meirihlutans var því annari umræðu um frumvarpið lokið. Frumvarpið fór fyrir atvinnuveganefnd í gær og til stóð að greiða atkvæði um frumvarpið í dag. 

Þingfundur hófst klukkan tíu í morgun og var á dagskrá þriðja umræða um veiðigjaldafrumvarpið. Þingfundinum var hins vegar ítrekað frestað og skiptust varaforsetar þingsins á að mæta í stól forsetans og tilkynna hverja frestunina á fætur annarri. Formenn þingflokka hafa ekki viljað tjá sig um ástæðu frestunarinnar.

Klukkan fjögur hóft þingfundur á ný eftir að honum hafði verið frestað sjö sinnum og körpuðu þá fulltrúar stjórnarandstöðunnar og stjórnarinnar undir liðnum fundarstjórn forseta. Eftir um 52 mínútur af slíku var fundinum frestað til 17:30 en þá ákvað Þórunn Sveinbjarnardóttir, forseti Alþingis, hins vegar að slíta honum.