Einar tekur við Víkingum

Hann tekur við starfinu af John Andrews sem var látinn fara frá félaginu í byrjun vikunnar. Einar mun formlega taka við starfinu þegar hann kemur til landsins frá Svíþjóð á næstu dögum. Þar hefur hann starfað hjá félaginu Örebro. Einar er Víkingur í húð og hár og var síðast aðstoðarþjálfari Arnars Gunnlaugssonar árið 2021, hjá karlaliðinu.

„Einar býr yfir gríðarlegri reynslu, þekkingu og Víkingshjarta sem leikmenn okkar og aðrir sem starfa í kringum félagið munu njóta góðs af. Knattspyrnudeild Víkings fagnar því að fá Einar aftur heim í hamingjuna og hlökkum við til að starfa með honum,“ segir í tilkynningunni.