Innlent

Kona féll í Svöðufoss

Agnar Már Másson skrifar
Þyrluáhöfn Landhelgisgæslunnar var kölluð út um kl. 13.
Þyrluáhöfn Landhelgisgæslunnar var kölluð út um kl. 13. Vísir/Vilhelm

Björgunarsveitarmenn og þyrla Landhelgisgæslunnar voru kölluð til um klukkan 13 í dag til að sækja konu sem hafði fallið ofan í Svöðufoss á Snæfelssnesi. Konan hefur verið flutt á Landspítalann í Fossvogi en hún var með meðvitund þegar viðbragðsaðilar komu að henni.

Hinrik Wöhler, staðgengill samskiptastjóra Landsbjargar, staðfestir þetta í samtali við fréttastofu að um tíu björgunarsveitamenn úr björgunarsveitinnisveitinni Lífsbjörg hafi tekið þátt í aðgerðinni eftir að útkallið hafði borist um kl. 13. Rúv greindi fyrst frá.

Hinrik segir að aðstæður hafi verið fínar, þó landslagið hafi verið krefjandi.

Ásmundur Kristinn Ásmundsson segir í samtali við fréttastofu að konan hafi verið við meðvitund þegar viðbragðsaðila bar að. Svöðufoss er alls 10 metra hár og er staðsettur í Hólmkelsá skammt frá Rifi. 

Tf-Eir, þyrla Landhelgisgæslunnar, lenti á Fossvogsspítala um klukkan 14.35 samkvæmt kortagögnum. 

Fréttin hefur verið uppfærð.

Björgunarsveitir Landhelgisgæslan Snæfellsbær

Mest lesið


Fleiri fréttir

Sjá meira


×

Mest lesið